1/ O tempo dorme,

o soño eterno

represéntase mecanicamente

nun reloxo e nunha célula

sistemática e estrutural

E así, ouvímos o noso

Tic tac tic tac tic tac…

Fecundación e alivio

Texto: rosanegra

Fotografías: Cruz Martínez

2/ O tempo pasa inmutable

e creamos monstros

criamos corvos impetuosos

que agardan para arrincarnos os ollos…

Fecundación e alivio

Texto: rosanegra

Fotografías: Cruz Martínez

A miña luz é a poesía

Moitas grazas a Manuel Vidal Villaverde, por esta preciosa entrevista no Atlántico.

3/ O tempo corre...

...estando parado

escoitamos o tic- tac biolóxico

da nosa natureza animal

persistimos e insistimos

na supervivencia

do pequeno homo...

Fecundación e alivio

Texto: rosanegra

Fotografías: Cruz Martínez

Silencio,silencio sepulcral...

(Silencio, silencioo)

Ósos nas cunetas e en foxos

ósos do pasado e do presente.

(Silencio, silencio sepulcral

lapidando corpos soterrados)

A Memoria Histórica, dura, cruel

un tiro, dous, centos...

e o medo engole os corazóns

(Silencio, silencio sepulcral)

“Manos Limpias” aínda teñen

sangue nas meniñas

confabulan, intrigan...

(Silencio, silencio sepulcral)

A historia foi escrita polos vencedores

sobre ideoloxías baratas

fomentadoras de silencio.

(Silencio, silencio sepulcral

lapidando corpos soterrados)

SORROW

Dor, pesadume... a tristura aceda na memoria.

Vídeo inspirado na morte e no recordo do meu pai.

IN MEMORIAM

Creación inspirada na illa de San Simón. Vídeo que pretende reflectir nas imaxes, no son e nas palabras todo un triste pasado... cheo de medo, de represión. Un pasado, presente na memoria.

Unha memoria colectiva e viva como as ondas do mar que aínda falan, falan da noite que asolagou vidas coa forza da violencia e da inxustiza. Falan da Memoria Histórica.